Kexrein thengijnaná thi be̱ʼen Jesús

Ni binthe saʼo, Adán ko Eva, bithikauʼana Ndo Dio. Mexinxin jaʼana duankuʼuná thi jiaʼan, dutana thi tángi ko tade̱ʼená.a Aro jiʼa yaa tathjexinxin kain. Jehová kjuee kexrein kuengijnanxiná ko bajun xeʼen, Jesucristo, para santsjexiná de thi jiaʼan ke guankuʼuná ko thi tade̱ʼeni. Biblia tjago ke kunixin thi be̱ʼen Jesús, xengaxina naa rescate. Naa rescate yaa thi thjenganana para tanchrjandana naa chujni. Ko Jesús kjuengana kunixin videe ke xruʼin thi jiaʼan guankaʼo (tsjeʼe Mateo 20:​28). Jesús bithuexin bajun videe bechunda nthiʼi ngataʼa Nunthe. Are juincheʼe jiʼi kuengijnaná para rukjan sayeená thi juinchetjan Adán ko Eva. Kai tjaguaná kexrein thjuaxiná Jehová ko jeʼe. Lección jiʼi sekengijna segajun icha juasaya ixi thi be̱ʼen Jesús.

1. Kexrein thengijnaná jai thi be̱ʼen Jesús

Ixi thi jiaʼan ke guankuʼuná, nthuʼuna anto tsje thi nchexruxiʼan Jehová. Aro jaan nchao jian ruxrakjiuʼuná Dio si denduaxin nthanianá kain thi jiaʼan ke bunthuʼuna ko si sanchieʼená Jehová ke sinthathjañaaná ixi Jesús. Kai, si tanuinka sunthuʼuna de i rukjaʼaná sunthuʼuna thi jiaʼan ke bunthuʼuna (1 Juan 2:1). Biblia ndachro: “Cristo be̱ʼen nakua bee ixi thi jiaʼan ke guankuʼuná, naa ni jian ncheʼe ixi ni ncheʼe thi jiaʼan, para ke tsuncheʼenra ngai Ndo Dio” (1 Pedro 3:​18).

2. Kexrein tsengijnaná ngai nchaʼun nandaʼa tsii thi be̱ʼen Jesús

Jehová rua̱ʼan xeʼen para be̱ʼen xan “para ke kainxin ni tsjago ke chunthia ngai jeʼe [Jesús] se̱ʼana, icha jian sinthechuna see” (Juan 3:​16). Juasaya ixi thi bincheʼe Jesús, Jehová utuin tasinthjian Ndo kain thi jiaʼan juiaʼo thi bincheʼe Adán ixi bithikauʼan. Jiʼi ruchro, ke si jaʼana chunthianá ngai thi juincheʼe Jesús, nchao sunthechuna ngai naa Nunthe ke tarukjan naa nthajie (Isaías 65:​21-​23).

TANGI ICHA

3. Thi be̱ʼen Jesús dantsjexiná de thi jiaʼan ke guankuʼuná ko thi tade̱ʼená

VIDEO: Unda ixi be̱ʼen Jesús (parte 1) (2:​01)

• Keʼe thi tabinchetjan Adán ixi i bithikauʼan Dio.

Tsjeʼera Romanos 5:​12 ko tjaura de jiʼi:

• Keʼe chunda ke sikun ngajintha thi jiaʼan ke juincheʼe Adán.

Tsjeʼera Juan 3:​16 ko tjaura de jiʼi:

• Unda ixi rua̱ʼan Jehová Xeʼen ngataʼa Nunthe.

1. Adán kjui naa xii ke xruʼin thi jiaʼan guankaʼo aro, are i bithikauʼan Ndo Dio, jiʼi juincheʼe ke kainxin chujni guankaʼuna thi jiaʼan ko tatede̱ʼena.

2. Jesús kjui naa xii ke xruʼin thi jiaʼan guankaʼo, ko ixi bithikaun Ndo Dio, juincheʼe ke chujni i xruʼin thi jiaʼan sinthechundana ko sinthechuna anto see.

4. Thi be̱ʼen Jesús nchao tsengijna kainxin chujni

VIDEO: Unda ixi be̱ʼen Jesús (parte 2) (2:​00)

• Kexreinxin ixi thi be̱ʼen nakuaxinxun xii thengijna kainxin chujni.

Tsjeʼera 1 Timoteo 2:​5, 6 ko tjaura de jiʼi:

• Adán kjui naa xii ke xruʼin thi jiaʼan guankaʼo aro, are jeʼe i bithikauʼan Ndo Dio, juincheʼe ke kainxin chujni guankaʼuna thi jiaʼan ko tatede̱ʼena. Jesús kjui naa xii ke xruʼin thi jiaʼan guankaʼo. Keʼe juincheʼe para ke kjuengana thi jiaʼan ke kuʼen.

5. Thi kjuengana Jesus jiʼi naa juajni ke dajun Jehová para suixin

Ni jian xrakao Jehová dinkuʼena thi kjuengana Jesús xraa naa juajni para nanaa de jeʼena. Para tsinxiná jiʼi, tsjeʼera Gálatas 2:​20 ko tjaura de jiʼi:

• Keʼe thi ndachro Pablo tjago ke thi kjuengana Jesús jiʼi xraa naa juajni ke jeʼe bayee.

Are Adán juincheʼe thi jiaʼan, jeʼe ko kainxin ni juixin de jeʼe bikininxiʼina ruge̱ʼena. Aro Jehová rua̱ʼan xeʼen nthiʼi ngataʼa Nunthe para be̱ʼen xan ko jaña suixin nchao segarichun see ko i sege̱ʼan.

Are senchelee versículo teʼi, dexraxauntha kexrein kunuʼen Jehová are bikun kain thi batho xeʼen. Tsjeʼera Juan 19:​1-7 ko 16-​18, ko tjaura de jiʼi:

• Kexrein dekunuʼan are degariʼi dexraxaun kain thi juincheʼe Jehová ko Jesús ixi suixin.

THI KUANGINÁ

Juasaya ixi thi juincheʼe Jesús, Jehová nthatjañaaná kainxin thi jiaʼan ke nthuʼuna ko kai nthanthuxianá sunthechuna anto see.

A xraxaun thi kuangi

• Unda ixi be̱ʼen Jesús.

• Unda ixi Jesús nchao kjuengana ixi thi juincheʼe Adan ko Eva.

• Kexrein dekengijna suixin thi be̱ʼen Jesús.

THJEE ICHA

Detsjeʼe unda ixi thi be̱ʼen Jesús yaa kjuengaxina ixi jaʼana.

“¿En qué sentido es el sacrificio de Jesús un ‘rescate por muchosʼ?” (Artículo de jw.org)

Detsjeʼe keʼe chunda ke sunthuʼuna para ke se̱ʼaná.

“¿De qué manera nos salva Jesús?” (Artículo de jw.org)

A nchetjañeʼe Jehová asta thi icha jiaʼan ke nthuʼuna.

“Preguntas sobre la Biblia” (La Atalaya, 1 de mayo de 2013)

Detsjeʼe kexrein kuengijna basengixin naa thi xii are kuangi keʼe ruchro thi be̱ʼen Jesús.

“Ya no soy esclavo de la violencia” (Artículo de jw.org)