LECCIÓN 45
Keʼe ruchro sintheni neutral
Jesús kjuago ke xro rueená “jiʼa de nunthe jiʼina” (Juan 15:19). Jiʼi ruchro ke jaʼana neutralná, ke duxintheʼana ngai política ni guerra. Aro te bee jiʼi naa thi anto tángi. Ko menxun asta tsjanuananá. Kexrein nchao sunthena neutral ko tsinthueʼaná de suthikauna Jehová.
1. Xro cristianoná kexrein dukuʼena kain nchixin ke jii
Xro cristianoná nthurespetaana xi nchixin. Jesús ndachro: “Thjengeʼerana César thi jikininxin César”. Ko yaa thi nthuʼuna: duthikauna thi thetuʼana ngai país ke tená, xraa thi danchia ke tsjenganina impuesto (Marcos 12:17). Biblia tjago ke, si jii xi nchixin ke jithetuʼan, yaa ixi Jehová jitanchrjanda (Romanos 13:1). Mexinxin, thinxiná ke thi jeʼena thetuʼana jiʼa thi icha renthe, Dio jii icha nui ke jeʼena. Nuana jian ke Ndo Diuana ko Nchixiʼin tasinthjian kain chijni ke jii ngataʼa Nunthe.
2. Kexrein tjaguná ke jaʼana neutralná
Jaña xraa Jesús, jaʼana duxintheʼana ngai política. Are chujni bikuna ke Jesús juincheʼe milagro, juinauna runchekjana naa xi nchixin nthiʼi ngataʼa Nunthe, aro jeʼe bithuexiʼan (Juan 6:15). Unda ixi naʼi. Jeʼe ndachro: “Nchixina jiʼa de nunthe jiʼi” (Juan 18:36). Xro rueená Jesús tjaguná ke neutralná. Naa de jiʼi, ke thjiʼaná guerra (tsjeʼe Miqueas 4:3). Ko maski nthurespetaana thi diʼin símbolo patrio, ínchi bandera, jaʼana nthusaludaʼana ni tsje̱ʼaná, ixi jiʼi xraa si tenthusayeʼena (1 Juan 5:21). Ko rueʼaná ninaa partido político ni naa xi candidato, aro kai nichjaʼaná thi jiaʼan de jeʼena. Ko jaña tjaguxiná ke juʼo rueená Nchixiʼin Ndo Dio.
TANGI ICHA
Rutsjeʼená inchi thi sincheʼe ke menxun tángi tsunuana sunthena neutral ko rutsjeʼená kexrein nchao suixin sekincheʼe thi sincheʼe ke Jehová ruchee.
3. Xro denduaxin cristianoná jaan neutralná
Jesús ko ni baruee kjuaguanána kexrein. Tsjeʼera Romanos 13:1, 5-7 ko 1 Pedro 2:13, 14. Kuthejan tsjeʼera VIDEO ko tjaura de jiʼi:
Unda chunda ke sunthurespetaana xi nchixin.
Kexrein tsjaguná ke duthikauna thi thetuʼana.
Are deʼe guerra, inchi país ndachro ke dixintheʼana, aro thi ndua yaa ke thengijnana ni tethetukaʼo chuo. A yaa ruchro sintheni neutral. Tsjeʼera Juan 17:16. Kuthejan tsjeʼera VIDEO ko tjaura de jiʼi:
Keʼe ruchro sintheni neutral.
Te bee xi nchixin danchiaana ke sunthuʼuna inchi thi nchauʼa jii o ke sunthuʼana thi thetuaná Ndo Dio. Keʼe sunthuʼuna aremee. Tsjeʼera Hechos 5:28, 29. Kuthejan tsjeʼera VIDEO ko tjaura de jiʼi:
Si thi thetuʼan xi nchixin ijee ndachro de thi thetuʼan Ndo Dio, kexeʼe thi chunda ke suthikauna.
A jii naa thi dexraxaun ke ni cristiano chundaʼa ke sithikauna maski xi nchixin tsetuʼan.
4. Degariʼi neutral ngai thi dexraxaun ko thi dencheʼe
Tsjeʼera 1 Juan 5:21. Kuthejan tsjeʼera VIDEO ko tjaura de jiʼi:
Unda kuincheʼe Ayenge ke rurueʼa ninaa partido político ni ke runchesaludaʼa bandera.
A dexraxaun suixin ke jaan ndakua kuincheʼe.
Keʼe inaa nchao sincheʼe ke tángi tsunuana sunthena neutral. Tsjeʼera VIDEO ko tjaura de jiʼi:
Kexrein nchao tsjaguná ke sunthena neutral are deʼe evento deportivo.
Kexrein nchao tsjaguná ke neutralná are thi thincheʼe xi nchixin menxun tsengijnaná ani tsiauana chijni.
Kain thi dukuna ngandajiná ko kain thi ndathjuná chujni, a nchao sincheʼe ke tángi tsunuana sunthena neutral.
Kesa are naa ni cristiano tjaguna ke neutralna kunixin thi xraxauna ko thi ncheʼena.
THI DANCHANGI INCHINA: “Unda ixi nchesaludaʼa bandera ko tsje̱ʼa himno nacional”.
Keʼe ruegatheʼe.
THI KUANGINÁ
Ni cristiano tanuinka ncheʼena de sinthena neutral are chunda ke sikun ngai política, ko jiʼi dikuni ngai thi xraxauna, nichjana ko ncheʼena.
A xraxaun thi kuangi
Keʼe thi jaan chunda ke suthikauna de thi ndachro xi nchixin.
Unda ixi duxintheʼana ngai política.
Kekaa thi sincheʼe ke tángi tsunuana sunthena neutral.
THJEE ICHA
Kekaa thinthuʼená para ke dunthena neutral.
Kexrein nchao suan preparado ni te nchianduina para are tángi tsunuana sunthena neutral.
Para tsjena, runichjaxina rajneena jiʼi naa juajni, aro a jaan jaña jixin.
Kexrein tjaguná ke jaʼana jiʼa de nunthe jiʼi are thincheʼená keʼe xrá sunthuʼuna.
“Cada uno llevará su propia carga de responsabilidad” (La Atalaya, 15 de marzo de 2006)