LECCIÓN 49
Kexrein ruxrakauni tachrjuin ni nchianduʼani (parte 1)
Ni nandaʼa tutheʼe rinauna ke kainxin nchaʼun ke sinthekaʼo chuuna chrjuin tsunuʼena jaña xraa nchaʼun ke kutheʼena. Ko jaan nchao tsuʼen jiʼi. Jiʼi unuʼen jian ni cristiano ke utsje nano tekaʼo chuuna ko tanuinka tencheʼena de dithikauna thi tjago Biblia.
1. Keʼe ndachro Biblia ke sincheʼe ni tatita
Jehová chjee tatita xrá de tsetuʼan ngai nchianduʼa (tsjeʼe Efesios 5:23). Ko rinao ke kain thi tsincheʼe tsengijna ni nchianduʼa. Biblia thetuʼan jiʼi ngai ni tatita: “Thinthueʼara de thjueʼera chriʼara” (Efesios 5:25). Keʼe ruchro jiʼi. Tatita ke thjueʼe chriʼi tachrjuin ncheʼe ngai nchra ko chrjuin nichjee nchra, aro jiʼa juʼo are ni icha tatetsjeʼena, kai are jeʼuna tatena. Kai dayakuʼen ko ncheʼe kain thi jii ngaa raa para chjee kain thi rugundeʼe (1 Timoteo 5:8). Ko, thi icha renthe, thjee kexrein tsengijna chriʼi para ke suji seʼe nchra espiritualmente (Mateo 4:4). Ínchi jiʼi, nchao sakeʼena thenchaun ko sincheleena Biblia kayuina. Si tatita tachrjuin dayakuʼen chriʼi, jiʼi sincheʼe ke icha chrjuin ruxrakao Jehová (tsjeʼe 1 Pedro 3:7).
2. Keʼe ndachro Biblia ke sincheʼe ni nanita
Thee Dio ndachro ke kai nanita “chunda ke sicherespetaa tatitee” (Efesios 5:33). Kexrein nchao sincheʼe jiʼi. Nchao seʼe ruxraxaun kexrein chrjuinxin nuʼen xixiʼi ko kain thi ncheʼe para dayakuʼen xeʼen ko jeʼe. Kai tjago ke ncherespetaa are thengijna ncheʼena thi kuincheʼe tatitee, are tachrjuin nichjee ko kai are tachrjuin nichja de jeʼe, maski tatitee tangiʼa.
3. Kexrein icha chrjuin sekaʼo chuo ni dikutheʼe
Para ni dikutheʼe, Biblia ndachro: “Kayuina tarukjana xraa nakua chujni” (Mateo 19:5). Jiʼi ruchro ke tsanchrjandaʼana ke seʼe chrujan thi sincheʼe ke i sinauʼan chuuna. Mexinxin dantsjendana tiempo para tjauna ko chrjuin thekiin chuuna thi xraxauna ko thi tunuʼena. Ko, tanchrjandaʼana ke seʼe inaa thi icha renthe ngai videena, ke jiʼa Jehová, ko ni tekaʼuna. Ko kayui ni teʼi dikauna cuidado ke sincheyeʼa chuuna.
TANGI ICHA
Rutsjeʼená inchi thi ndua ke tjago Biblia ke tsengijnara icha chrjuin sinthekuʼo chuura.
4. Xro tatitara, thjueʼera ko dayakuʼenra chriʼara
Biblia ndachro ke ni “tatita chunda ke ruthjueʼena naniteena jaña ínchi thjueʼena cuerpoena” (Efesios 5:28, 29). Keʼe ruchro jiʼi. Tsjeʼera VIDEO ko tjaura de jiʼi:
Kexrein nchao tsjago tatita ke thjueʼe nanitee ko thinxin thi tunuʼen nchra.
Tsjeʼera Colosenses 3:12 ko tjaura de jiʼi:
Kexrein nchao tsjago tatita cualidad teʼi.
5. Xro nanitara, thjueʼera ko ncherespetaara tatitaara
Si tatita nchesayeʼe Jehová o naʼi, Biblia ndachro ke ni nanita chunda ke sincherespetaa. Tsjeʼera 1 Pedro 3:1, 2 ko tjaura de jiʼi:
Si tatitaantha nchesayeʼa Jehová, ndaa ke ruenthaxruxiʼantha ke jeʼe kai rukangi. Aro, keʼe thi icha jian ruencheʼe: nguxun ruenichjeʼe de juajna jian kainxin nchaʼun, ani ruekanchrjanda ke kunixin respeto ke sekjaguʼe ko kunixin thi sencheʼe jeʼe sasengixin. Unda jaña dexraxaun.
Nanita ko tatita nchao tsincheʼena icha jian thi sincheʼena si tsengijna chuuna. Ko jaan ndua, te bee nanita jiʼa xrajuʼo ruxraxaun ke tatitee. Si jaña tsuʼen, nanita nchao rundache thi xraxaun aro kunixin respeto ko suñaunkuaʼa. Aro kai chunda ke ruxraxaun ke Jehová chjee tatitee xrá de tsincheʼe keʼe thi icha jian para ni nchianduʼa. Ko Dio rinao ke nanita tsengijna xixiʼi sincheʼena thi kuincheʼe xa ko jaña sincheʼe ke icha chrjuin ruxrakao chuuna ngai nchia. Tsjeʼera 1 Pedro 3:3-5 ko tjaura de jiʼi:
Kexrein tunuʼen Jehová are dikun ke ni nanita tjago respeto ngai tatitee.
6. Ni dikutheʼe jaan nchao sathujina chijni ke detana
Kainxin ni tekaʼo chuo chundana chijni. Mexinxin nanita ko tatita chunda ke asta nuinka sincheʼena para tsengijna chuuna. Tsjeʼera VIDEO ko tjaura de jiʼi:
Kexrein bainkunxini ke ni teʼi i chrjuiʼan baxrakao chuuna.
Keʼe chunda ke juincheʼena para ke icha chrjuin ruxrakao chuuna.
Tsjeʼera 1 Corintios 10:24 ko Colosenses 3:13. Kuthejan de sincheleera nanaa de versículo teʼi, tjaura de jiʼi:
Unda icha chrjuin xrakao chuo ni dikutheʼe are ncheʼena thi ndachro nthiʼi.
Biblia ndachro ke chunda ke tsjague chuuna honra. Ko yaa dixiʼin ke tachrjuin runichjeena ni icha ko tsjaguná respeto. Tsjeʼera Romanos 12:10 ko tjaura de jiʼi:
A chunda ke ruchuenka chuuna kexeʼe thi saʼo tsjago honra. Unda jaña dexraxaun.
THI XRAXAUN INCHINA: “Jaʼana i chrjuiʼan nichjaa chiana”.
Kexrein ruenchekinxina ke Biblia nchao tsengijnana.
THI KUANGINÁ
Tatita ko nanita nchao rucheena si thjueʼe chuuna, ncherespetaa chuuna ko dithikauna thi ndua ke tjago Biblia.
A xraxaun thi kuangi
Keʼe nchao sincheʼe tatita para ke icha chrjuin sekaʼo nanitee.
Keʼe nchao sincheʼe nanita para ke icha chrjuin sekaʼo tatitee.
Si suixin ubekuthaʼa, keʼe thi ndua tjago Biblia tsengijnantha para ke icha chrjuin sinthekuʼo chuuntha.
THJEE ICHA
Detsjeʼe keʼe nchao sekengijna para ke icha chrjuin sexrakjiuʼo ni nchiandui.
Detsjeʼe naa video ke thiaʼo suun ke tjago kexrein nchenchaun Dio ni udikutheʼe ke dithikauna thi jeʼe thetuʼan.
Detsjeʼe keʼe ruchro ke nanita sithikaun tatitee.
“¿Por qué debe la mujer respetar el principio de autoridad?” (La Atalaya, 15 de mayo de 2010)
Detsjeʼe keʼe kuengijna yuo ni tekaʼo chuʼo para bathujina thi tángi maski taguana divorciado.