LECCIÓN 59
Suixin nchao sekixiʼan maski singakuʼanthana
Dithja nchaʼun ke kain ni cristiano detana ni rinauʼa ke tsangina ko asta dingakuʼenana. A taruxrauná ixi yaa.
1. Unda diseʼaná ixi dingakuanana
Biblia anto jian ndachro ke “kain ni rinao sinthechun ínchi ndachro Ndo Dio ko sithikauna thi kjuago Cristo Jesús kai singakuʼenana” (2 Timoteo 3:12). Jesús bingakuʼena ixi jeʼe kjuiʼa de nuntheʼe Xi jiaʼan. Ko ixi jaʼana kai jeʼaná de nuntheʼe Xi jiaʼan, diseʼaná ke xi nchixin ko icha religión ke jii ngai Nunthe jiʼi dingakuanana (Juan 15:18, 19).
2. Keʼe tsengijnaná tsixiana are singakuanana
Anxun rugunda ke sunthusujina thi chunthianá ngai Jehová. Ko kexrein ncheʼeni yaa. Santsjendaná tiempo kainxin nchaʼun para sakeʼená thenchaun ko sunthuleena Thee Ndo. Ko kai sunthutjangiʼana ninaa nchaʼun xrathená ngai congregación. Kain jiʼi senthasuji para ke sexrauʼan are segathujin thi tángi, ko icha si ni nchiandui thi ni rinauʼa ke suixin sekangi. Apóstol Pablo, ke anto bingakuʼena, kji̱n: “Jehová thi thengijnana. Xruʼin keʼe ruxragu̱an” (Hebreos 13:6).
Naa thi tsengijnaná para ke dantuʼa ruxrauná yaa ke tsinthueʼaná de tsjiuʼuná juajna jian. Jiʼi thengijnaná chunthianá icha ngai Jehová ko para ke i dantuʼa ruxragu̱ená chujni (Proverbios 29:25). Si suixin desde anxun sexrauʼan, jiʼi sekengijna sekinthueʼa de sekjiuʼo juajna jian maski xi nchixin sinao rukayakuen xrá jiʼi (1 Tesalonicenses 2:2).
3. A chrujan thi jian thiauana are dingakuanana
Nthaxruxiaʼana ke dingakuanana. Aro are thixiana dathuná jiʼi thi chunthianá icha tunsuji. Kai icha chiaun tunuana de Jehová ixi nuaná ke jeʼe tsengijnaná are jaʼana tunuaná ke i tsixiaʼaná (tsjeʼe Santiago 1:2-4). Jehová anto thiin Ndo are dikun Ndo ke dathuná thi tángi, aro anto chee Ndo dikun Ndo ke jaʼana tunchrjeʼaná. Biblia ndachro: “Si tsixiʼanra sathura thi tángi ixi ncheʼera thi jian yaa anto nchexruxiʼin Ndo Dio” (1 Pedro 2:20). Kainxin thi ni thixiʼin ko sithikaun Jehová, jeʼe sinchenchauna ko sinthechuna see ngai naa Nunthe ke i xruʼin ni singakuʼen thi sinchesayeʼeni Ndo (Mateo 24:13).
TANGI ICHA
Rutsjeʼená inchi thi tjaguaná ke jaan nchao suthikauná Jehová maski singakuanana. Ko rutsjeʼená kexrein jeʼe Ndo sinthanchauná Ndo si tsixiana.
4. Suixin nchao sekixiʼan maski ni nchiandui sinauʼana ke sekangi
Jesús ubinuʼen ko ndachro ke rugeʼe ni nchianduina ke rujinauʼana ke runthusayeʼena Jehová. Tsjeʼera Mateo 10:34-36 ko tjaura de jiʼi:
Are naa chujni thincheʼe sincheʼe xree Jehová, menxun kexrein sincheʼe ni nchianduʼa.
Para segatsuan inchi ni bato jiʼi, tsjeʼera VIDEO. Kuthejan tjaura de jiʼi:
Keʼe ruencheʼe suixin si naa ni nchiandui o naa ni jian dexrakjiuʼo seganchiaʼana ke tasekinthuʼe de senchesayeʼe Jehová.
Tsjeʼera Salmo 27:10 ko Marcos 10:29, 30. Kuthejan de sincheleera nanaa texto, tjaura de jiʼi:
Kexrein tsengijnantha thi ndachro nthiʼi para sekixiʼan are ni nchiandui o ni jian dexrakjiuʼo sinauʼana ke suixin sekangi.
5. Thinthueʼantha de nchesayeʼentha Jehová maski singakuʼanthana
Para ke tsinthueʼaná de sunthuʼuna xree Jehová are ni icha sinauna rukayakuanána rugunda ke ruxrauʼaná. Tsjeʼera VIDEO ko tjaura de jiʼi:
De kain thi dikuni ngai video keʼe thi icha denthasuji para sexrauʼan.
Tsjeʼera Hechos 5:27-29 ko Hebreos 10:24, 25. Kuthejan de sincheleera nanaa texto tjaura de jiʼi:
Unda anto renthe ke tsinthueʼaná de sunthuʼuna xree Jehová maski xi nchixin i ruchjaʼaná juachaxin de tsjiuʼuná juajna jian o ruxrathená.
6. Jehová tsengijnantha tsixiʼantha sathuntha thi tángi
Tsje ni testigo de Jehová de jejee nano ko de jejee rajna kuixiʼina kuinthueʼana Jehová maski bathuna thi tángi. Para sekunuʼan kexrein nchao juincheʼena jiʼi, tsjeʼera VIDEO. Kuthejan tjaura de jiʼi:
Keʼe kuengijna ni Testigo teʼi para ke kuixiʼina bathujina thi tángi.
Tsjeʼera Romanos 8:35 ko 37-39, ko kai Filipenses 4:13. Kuthejan de sincheleera nanaa texto tjaura de jiʼi:
Kexrein dekjaguʼantha texto teʼi ke suixin nchao sekixiʼan segathujin kexeʼo thi tángi.
Tsjeʼera Mateo 5:10-12 ko tjaura de jiʼi:
Unda nchao sechaʼa maski segatho thi tángi.
Tsje millón de ni nchexree Jehová kuixiʼina maski bingakuʼenana. ¡Suixin kai nchao sekixiʼan!
THI XRAXAUN INCHINA: “Jaʼan rukixinaʼan rugatho kain yaa”.
Kekaa texto nchao tsengijna ni xraxaun jaña para ruchunthiana icha.
THI KUANGINÁ
Jehová anto ncherenthe thi tanuinka nthuʼuna para nthusayeʼena maski dingakuanana. ¡Nchao tsixianá ixi jeʼe tsengijnaná!
A xraxaun thi kuangi
Unda diseʼaná ixi dingakuanana.
Keʼe sekengijna para sekixiʼan are segatho thi tángi ixi dingakuanana.
Keʼe ncheʼe ke suixin degithikaun ke nchao sencheʼe xree Jehová maski segatho thi tángi.
THJEE ICHA
Detsjeʼe kexrein Jehová kuengijna naa xan chuana xra ichjan are kuiaxiʼina xan ixi beʼe xan neutral.
Detsjeʼe keʼe kuengijna yuo ni tekao chuo para juinchesayeʼena Jehová tsje nano maski bathuna tsje thi tángi.
Juintha̱ʼaná xree Jehová maski beʼe tsje thi tabixingixin (7:14)
Dekangi kexrein nchao suji segariʼi ko sexrauʼan maski segingakuʼana.
“Preparémonos ahora para la persecución” (La Atalaya, julio de 2019)
A ni nduina rinauʼana ke tsanginá. Kexrein nchao sunthuʼuna para ke tsetukuʼanana ko tsinthueʼaná de suthikauna Jehová.
“La verdad no trae ‘paz, sino espadaʼ” (La Atalaya, octubre de 2017)