¿Mich juʼuts iñaʼm jeʼm Biblia?

JEʼM BIBLIA NƗMPA

«Dios ichi jɨ̱xi jém pɨxiñt́am jém ijayñeyajwɨɨp jém Dios iŋma̱t́i» (2 Timoteo 3:16, JÉM JOMIPƗC TRATO, LA LIGA BÍBLICA).

TYI TAN̈KEJAʼYBA

Wɨap in̈kutɨʼɨyɨʼy tyiʼiga naspa tyidyin̈kej tañityijom (Proverbios 2:1-5).

Miyooxpaʼtpa iga in̈wɨpɨguiñ iñjɨɨxi (Salmo 119:105).

Dios mijɨykamayñeʼ iga miwɨitypa tannɨgɨyoʼoyijom (Romanos 15:4).

¿WƗAP TAN̈KUPƗK JEMPƗK NƗMPA JEʼM BIBLIA?

Jɨ, tanaʼmiñ tyiʼiga:

• Jeʼm Biblia iniity tumtyi jɨɨxi. Ininɨgayyaj tuumtsam 1600 amtyɨy iga 40 pɨxiñtyam ijaykunuʼkyaj jeʼm Biblia. Mex iga dyaʼ ityumpɨyyaj naixpɨkyajta, jeʼm Biblia iniity tumtyi jɨɨxi, y yɨʼp jɨɨxi dyaʼ kukakpa.

• Jeʼm Biblia dyaʼ mɨgoʼyba. Jeʼm pɨxiñtyam in̈neʼkyajpa jesɨk imalnɨgayyajpa. Pero, jempɨk ijaykunuʼkyaj jeʼm Biblia dyaʼ in̈neʼkyaj jesɨk jɨɨxtyogoyyaj y dyatyim in̈neʼkyaj jesɨk tun̈gakyaj jɨɨxtyogoyyajtyim (2 Crónicas 36:15, 16; Salmo 51:1-4).

• Jeʼm ijɨykamoʼoyiyaj kupakpa. Tuumtsam 700 amtyɨy wiñtyi iga naxiñ, jeʼm Biblia in̈mat iga jeʼm Cristo nayba idyɨk Belén, tuum xutyu tɨgan̈juj itywɨʼɨp Judá (Miqueas 5:2). ¿Y juuty nay Jesús? Jeʼam an̈eymɨ, jeʼm jɨykamoʼoyi kupak (Mateo 2:1-6).

  Jeʼm Biblia in̈matpatyim tun̈gaknam jɨykamoʼoyiyaj iga kupakyajtyim. ¿Tyiʼiga? Iga jeʼm Biblia iniity jeʼm Dios ijɨɨxi (2 Pedro 1:21).