¿Nuʼkpasɨ jaama iga dyam tayaʼachataʼmpa?

JEʼM BIBLIA NƗMPA

«Dios icujicháypa jém ipɨxiñt́am [iixkuyñɨ]. D́am más caaba jém pɨxiñt́am. D́a i̱ jém aŋyaaqui. D́am wejyajpa. D́am i̱ jém to̱ya» (Apocalipsis 21:4, JÉM JOMIPƗC TRATO, LA LIGA BÍBLICA).

TYI TAN̈KEJAʼYBA

Wɨap tan̈kupɨktam iga dyaʼ jeʼ Dios jempɨk tayaʼachwatpa (Santiago 1:13).

Dios iwɨkutɨʼɨyɨyba juʼuts tanan̈jaam jesɨk tayaʼachaap (Salmo 139:1, 2).

Wɨap tan̈kupɨk iga nuʼkpa jaama dyam tyi tayaʼachwatpa (Salmo 37:9-11).

¿WƗAP TAN̈KUPƗK JEMPƗK NƗMPA JEʼM BIBLIA?

Jɨ, tanaʼmiñ tyiʼiga:

• Dios ijooyixpa jeʼm yaʼachaaji y jeʼm malwadoʼoyi. Kujɨɨsɨ juʼuts mu in̈jaam Jehová pekaʼ jesɨgam jeʼm iyooxakɨʼɨwiñyaj yaʼachayajpa idyɨk ixɨʼyaj. Jeʼm Biblia nɨmpa iga Dios iixñeʼ idyɨk juʼtspɨy sɨʼ iyaʼachwatyajta jeʼm iyooxakɨʼɨwiñyaj y imaton̈ «iga agui wejyajpa» idyɨk (Hechos 7:34).

  Dios dyaʼ iwɨixpa jempɨk iyaʼachwatpa tun̈gakyaj. Juʼuts akwiñkejoʼoyi Dios nɨmpa iga «ichiiba castigo» jempɨk tsaam imalwatyajpa (Romanos 12:19).

• Dios tateguettam tumtum de taɨchtyam. Dyaʼ numaaj taɨchtyam tanjoodon̈ tyi tan̈yakwatpa y tayaʼachwatpa. ¡Jehová iwɨjoodon̈tyim! (2 Crónicas 6:29, 30).

  Dyaʼ jaʼyñeʼ, Dios iktogoyba jeʼm yaʼachaaji ikuyukmɨ jeʼm iAn̈jagoʼoyi (Mateo 6:9, 10). Iganam tanan̈joʼkpa, Dios sɨʼ iyooxpaʼt jempɨk sɨʼ ikuaʼmyaj (Hechos 17:27; 2 Corintios 1:3, 4).