19-25 DE FEBRERO

SALMOS 8-10

Waañi 2 y an̈wejpadoʼoyi | An̈maatɨ tyi kuyujkataap (1 min.)

AN̈KEJAYOʼOYIYAJ ITYWƗʼƗP BIBLIAJOM

1. «Man̈kujiʼppa, oh, Jehová»

(10 mins.)

Jehová tsaam pɨɨmi tawɨwadaytyaʼmpa (Sl 8:3-6; w21.08-S 3 párr. 6).

Tsaam tan̈kusuʼnɨʼyba tan̈kujiʼp Jehová jesɨk tanan̈madaʼyba tun̈gakyaj tyityam iwatneʼ (Sl 9:1; w20.05-S 23 párr. 10).

Tan̈kujiʼptaʼmpatyim jesɨk tawantaʼmpa kun maymayaaji y kun ityumpɨy tananmaj (Sl 9:2; w22.04-S 7 párr. 13).

Imagenyaj iga ikwiñkejyajpa juutypɨk tan̈kujiʼppa Jehová: 1. Tuum yoomtɨwɨ tsaamipɨk sɨʼ in̈kejay jeʼm Dios In̈maatyi jempɨk ikuixpa. 2. Tɨwɨtam wanba ixɨʼyaj jeʼm An̈tuʼumayoʼytyɨkjom. 3. Tuum traytyi ikkiʼmneʼ ikɨʼ iga kutson̈oytyoʼoba jeʼm an̈tuʼumaajijom. 4. Tuum tɨɨwɨ mañipɨk yooxpadoʼyba iga sɨʼ ikujichaytya jeʼm An̈tuʼumayoʼytyɨk. 5. Tuum wooñi sɨʼ in̈kejay jeʼm Dios In̈maatyi tuum jeʼm iwaganakuyujpaʼap.

NAKWAʼKTAAJƗ: «¿Juutypɨknam wɨap an̈kujiʼp Jehová?».

2. An̈kejayoʼoyiyaj tampaʼtnewɨʼɨp

(10 mins.)

Sl 8:3. ¿Tyi nɨmtoʼoba idyɨk jeʼm salmista jesɨk ijɨykiʼmay jeʼm Dios iwaaykɨʼ? (it-1 649).

Kutson̈oʼoyi
¿Ju’ptam an̈kejayo’oyiyaj impa’t jesɨk immay je’m Biblia yɨ’p semana?

Kutson̈oʼoyi

3. Maytyaap jeʼm Biblia

(4 mins.) Sl 10:1-18 (th-S lección 11).

TAN̈WƗKUYUJKATAʼMIÑ TAN̈WƗAN̈KEJAYOYTYAʼM

4. Aktsukuumɨ muruujiyaj

(3 mins.) TƗK POR TƗK. Jempɨk inimurupa miñɨʼmaʼyba iga dyaʼ ikupɨkpa iga ity Dios (lmd an̈kejayoʼoyi 5 punto 4).

5. Jooyxedayyaajɨ

(4 mins.) AN̈MATKUY INFORMAL. Jesɨgam inimuru miñɨʼmay iga dyaʼ ikupɨkpa iga ity Dios, pero ikɨʼpin̈toʼoba tyityam ikwiñkejpa iga ity Dios (th-S lección 7).

6. Najɨʼyoʼoyi

(5 mins.) w21.06-S 6, 7 párrs. 15-18. Iñɨɨyi: Ayude a su estudiante a alabar a Jehová (th-S lección 10).

TAN̈WATKIʼPSTAʼMIÑ JESÚS TAÑITYIJOM

Waañi 10

7. Juutypɨk tan̈wadyiñ jeʼm an̈matkuy informal

(10 mins.) Kɨʼpin̈ɨ kun jempɨk an̈tuʼumaneyaj.

Tuum manera iga wɨap tan̈kujiʼp Jehová jeʼ iga tanan̈madayyajiñ jeʼm In̈maatyi jempɨk tampaʼtyajpa tumtum jaama (Sl 35:28). Wɨapsɨ iga wiñtyi tan̈jeʼkpa tan̈wat jeʼm an̈matkuy informal. Pero siiga tan̈kuyujkaʼaba juutypɨk tanaktsukumpa y tanaitypa jeʼm muruujiyaj, okmɨ majtyim dyaʼ tan̈kaʼ tan̈wat yɨʼɨmpɨk, ¡y hasta tan̈kusuʼnɨʼyba!

Tuum imagen de jeʼm video «Ityɨ listo iga inin̈matpa jeʼm wɨbɨk an̈maatyi iga itypa paz: aktsukuumɨ jeʼm muruuji». En tuum restaurante, tuum yoomtɨwɨ mojpa inimuru tuum yoomoʼ.

Akkaʼamɨ jeʼm VIDEO Ityɨ listo iga inin̈matpa jeʼm wɨbɨk an̈maatyi iga itypa paz: aktsukuumɨ jeʼm muruuji. Okmɨ waatɨ yɨʼp akwagoʼoyi:

¿Juutypɨk miyooxpaʼtpa yɨʼp video iga majnam in̈kutɨʼɨyɨʼyiñ jesɨk in̈watpa jeʼm an̈matkuy informal?

Kutson̈oʼoyi

Aʼmɨ juʼptam jɨɨxian̈chioʼoyiyaj miyooxpaʼtyajpa iga wɨaiñ iniktsukum muruujiyaj:

Jesɨk mixɨʼɨba juutykej, kujɨɨsɨ juutypɨk wɨap iniktsukum tuum muruuji. Waʼgaʼayɨ Jehová iga miyooxpaʼdyiñ impaʼt jempɨk ikumaton̈toʼoba.
Jɨʼyaʼayɨ kun maymayaaji y teguedaajɨ ityam impaʼtyajpa. Kujɨɨsɨ juʼpsɨ an̈kejayoʼoyi itywɨʼɨp Bibliajom wɨap ikusuʼnɨy.
Siiga wɨap, waʼgaʼayɨ inúmero y chiɨtyim michpɨk.
Odoy an̈yaʼakɨ siiga jeʼm muruuji kuyajpa wiñtyi iga wɨaiñ inin̈maday jeʼm Dios In̈maatyi.
Odoy kujaʼamaʼayɨ jempɨk inimuru. Wɨap in̈kutsaday tuum enlace de tuum texto o tuum an̈kejayoʼoyi itywɨʼɨp en jeʼm sitio jw.org iga wɨap ikusuʼnɨy.

Waatɨ yɨʼɨmpɨk: Siiga algun i mikwaʼkpa juʼuts miñɨgay jeʼm fin de semana, wɨap inin̈maday algun tyi iga in̈kuyujkaʼ jeʼm an̈tuʼumaajijom o an̈madaʼayɨ iga mich mikkuyujoʼyba kun jeʼm Biblia.

8. Tyityam ityogoyay jeʼm kumun

(5 mins.)

9. Kuyuuji bíblico kɨʼpin̈tapaʼap jeʼm kumunjom

(30 mins.) bt cap. 6 párrs. 1-8 e introducción a la sección 2.