29 DE ABRIL A 5 DE MAYO
SALMOS 34, 35
Waañi 10 y an̈wejpadoʼoyi | An̈maatɨ tyi kuyujkataap (1 min.)
1. «An̈kujiʼppa Jehová ityumpɨy jaama»
(10 mins.)
David juchixkej ikujiʼp Jehová mex iga yaʼachaap idyɨk ixɨʼ (Sl 34:1; w07-S 1/3 22 párr. 11).
David ikujiʼppa idyɨk Jehová y dyaʼ nakujiʼpta kun tyityam iwatneʼ idyɨk (Sl 34:2-4; w07-S 1/3 22 párr. 13).
Iga David ikujiʼppa idyɨk Jehová ipɨɨmchiʼ jeʼm ityɨwɨtam (Sl 34:5; w07-S 1/3 23 párr. 15).
Okmɨ iga Jehová ikɨakput David jeʼm Akís ikɨʼjom iga iñɨɨyityim Abimélec, 400 pɨxiñtyam iga malputneyaj idyɨk kun Saúl, moj ityun̈ɨyyaj David jeʼm tɨtsɨnaxyukmɨ (1Sa 22:1, 2). Wɨapsɨ iga yɨʼptamam pɨxiñtyam ijɨɨskupakneʼ idyɨk jesɨgam ijay yɨʼp salmo (Sl 34, encabezamiento).
NAKWAʼKTAAJƗ: «Jesɨk anamurupa algun i jeʼm an̈tuʼumaajijom, ¿tyi wɨap annɨm iga ikujiʼbiñ Jehová?».
2. An̈kejayoʼoyiyaj tampaʼtnewɨʼɨp
(10 mins.)
Sl 35:19. ¿Tyi nɨmtoʼoba idyɨk David jesɨgam iwaʼgay Jehová iga jeʼm ienemigojyaj odoy nan̈miʼchayyajtaiñ tuum iixkuy? (w06 15/5 20 párr. 2).
¿Juʼptam an̈kejayoʼoyiyaj impaʼt jesɨk immay jeʼm Biblia yɨʼp semana?
3. Maytyaap jeʼm Biblia
(4 mins.) Sl 34:1-22 (th-S lección 5).
4. Aktsukuumɨ muruujiyaj
(2 mins.) AN̈MATKUY INFORMAL. Jeʼm muruuji kuyajpa wiñtyi iga inin̈madaʼyiñ tyi in̈kejpa jeʼm Biblia (lmd an̈kejayoʼoyi 1 punto 4).
5. Jooyxedayyaajɨ
(4 mins.) AN̈MATKUY INFORMAL. (lmd an̈kejayoʼoyi 2 punto 4).
6. An̈maatɨ tyi in̈kupɨkpa
(5 mins.) Akwiñkejoʼoyi. ijwfq-S 59. Iñɨɨyi: ¿Cómo deciden los testigos de Jehová si deben celebrar cierta fiesta? (th-S lección 17).
Waañi 59
7. Tukuteen forma iga tan̈kujiʼppa Jehová jeʼm an̈tuʼumaajijom
(15 mins.) Kɨʼpin̈ɨ kun jempɨk an̈tuʼumaneyaj.
Jeʼm an̈tuʼumaajiyaj taaʼmchiʼiba iga tan̈kujiʼbiñ Jehová. Tanaʼmtaʼmiñ juutypɨk.
Jesɨk tamurupa: Jesɨk tanamurupa tun̈gakyaj, tanjɨykiʼmiñ juʼtspɨy tawɨwadaʼyba Jehová (Sl 145:1, 7). ¿Tan̈kumaton̈ o tammay algun tyi iga tayooxpaʼt? ¿Tsaam tawɨnɨgay jeʼm an̈matkuyjom? ¿Taanmajan̈chiʼ jempɨk nɨm o iwat algun i? ¿Tagaʼman̈jak algun tyi iga Dios iwatneʼ? Ityumpɨy yɨʼp Jehová tasajchiñeʼ (Snt 1:17). Wɨap tan̈wat yɨʼɨmpɨk siiga tanuʼkpa wiñtyi iga tsukumiñ jeʼm an̈tuʼumaaji.
Jesɨk takutson̈oytyaʼmpa: Tachioʼyiñ majkiʼ tuum kutson̈oʼoyi jesɨk itypa jeʼm an̈tuʼumaajiyaj (Sl 26:12). Wɨap tan̈kutson̈ jeʼm akwagoʼoyi iga wattaap o tanjɨykiʼmpa tuum an̈kejayoʼoyi, tammayba tuum texto, tanan̈matpa tyi in̈kejpa jeʼm imagen o juutypɨk wɨap tanakkupak tañityijom. Tan̈wɨtsakneiñ waatyi kutson̈oʼoyiyaj, wɨapsɨ iga jesɨk tanakkiʼmpa tan̈kɨʼ tun̈gakyaj ikkiʼmyajpatyim. Tanjɨɨskupakneiñ iga siiga tan̈kutson̈oʼoyi jaʼyba 30 segundos o dyaʼ kaʼpspa, tanaʼmchiʼiba iga jeʼm tɨwɨtam ikujiʼpyajiñtyim Dios (Heb 13:15).
Jesɨk tawanba: Tawantaʼmiñ kun maymayaaji (Sl 147:1). Wɨapsɨ iga dyaʼ i tachiʼiba ni tuum kutson̈oʼoyi jeʼm an̈tuʼumaajijom, maaj siiga tajaʼyan̈tam. Pero wɨap tan̈kujiʼp Jehová jesɨk tawanba. Mex iga tanjɨɨspa iga dyaʼ tawɨwanba, Jehová tsaam maymayaap siiga tan̈wanaʼyba kun maymayaaji (2Co 8:12). Pero tan̈kuyujkaneiñ tan̈wan tantɨkkɨʼɨm.
Akkaʼamɨ jeʼm VIDEO Tammiñɨyɨʼɨyijom: Waañiyaj ikujiʼppaʼap Jehová (wiñtyipɨk jaakaʼ). Okmɨ waatɨ yɨʼp akwagoʼoyi:
¿Juutypɨk tanakwiñkejnetaʼm dende wiñtyityim iga tsaam tanteguedataʼmpa tan̈kujiʼptaʼm Jehová kun waañiyaj?