Odoy nan̈kejtaajɨ

Jempɨk Pablo iwat

VIDEO: Pablo inimuru jeʼm an̈jagoʼoyi Agripa

1. Aʼmɨ jeʼm VIDEO o maayɨʼ Hechos 26:2, 3. Okmɨ kɨʼpin̈ɨ yɨʼpyaj akwagoʼoyiyaj:

1. ¿Juutypɨk ikwiñkej Pablo iga dyaʼ nan̈kejta jesɨk inimuru jeʼm an̈jagoʼoyi Agripa?

2. ¿Tyi nɨm Pablo iga maaj teguedataiñ Jehová y jeʼm In̈maatyi? (Aʼmɨ Hechos 26:22).

¿Tyi tan̈kejaytyaʼmpa jempɨk Pablo iwat?

2. Jesɨk tan̈wɨjɨʼyaʼyba tun̈gakyaj y dyaʼ tanan̈kejtaap, maaj takumaton̈taap.

Watkiʼpsɨ Pablo

3. Odoy nan̈kejtaajɨ. Odoy akwiñkeejɨ iga mich maaj in̈kutɨʼɨyɨʼyba y jempɨk sɨʼ inimuru dyaʼ tyi ijoodon̈. Juchixkej tan̈wɨjɨʼyaʼyiñ.

4. An̈kejaʼayɨ iga jempɨk sɨʼ inin̈maday ity Bibliajom. Jeʼm an̈kejayoʼoyiyaj itywɨʼɨp jeʼm Dios In̈matyijom wɨap iñuʼk ianmajomyaj. Y jesɨk tampɨkpa, tanyooxpaʼtpa tun̈gakyaj iga iniityyajiñ tuum fe kamampɨk.

5. Juchixkej wɨjɨɨyɨ. Odoy teguedɨʼɨyɨ iga ijɨɨxiñtyim juʼuts mimich. Kujɨɨsɨ iga dyaʼ nɨkneʼ inin̈ayaj. Siiga dyaʼ minin̈kejtaap, in̈wɨkutson̈yajpa y in̈kujɨɨspa juchix miñɨkpa (Prov. 17:14; Tito 3:2). Siiga in̈wɨjɨʼyaʼyba wɨapsɨ iga tun̈gak jaama ikumaton̈ba jempɨk tanan̈madaʼyba.