Odoy kɨɨn̈ɨ

Jɨɨxian̈chioʼoyi: «Dios acamamwadayt́a[m ananmaj] iga manaŋmadáyiñ jém wɨbɨc aŋma̱t́i» (1 Tes. 2:2).

Jempɨk Jesús iwat

Jesús iñɨʼmay Zaqueo iga kedyiñ jeʼm kuyyuk, y tun̈gakyaj aʼman̈jakyaj.

VIDEO: Jesús inimuru Zaqueo

1. Aʼmɨ jeʼm VIDEO o maayɨʼ Lucas 19:1-7. Okmɨ kɨʼpin̈ɨ yɨʼpyaj akwagoʼoyiyaj:

¿Tyiʼiga weeñiyaj dyaʼ in̈pɨʼtsyajpa idyɨk Zaqueo?
¿Tyiʼiga Jesús in̈maday jeʼm Dios In̈maatyi?

¿Tyi tan̈kejaytyaʼmpa jempɨk Jesús iwat?

2. Nasuntaap iga odoy takɨʼɨn̈iñ tanan̈maday tun̈gakyaj jeʼm Dios In̈maatyi.

Watkiʼpsɨ Jesús

3. Kupɨɨkɨ iga Jehová miyooxpaʼtpa. Jeʼm Dios iespíritu iyooxpaʼt Jesús y miyooxpaʼtpatyim mimich (Mat. 10:19, 20; Luc. 4:18). Waʼgaʼayɨ Jehová iga odoy mikɨʼɨn̈iñ inimuru weeñiyaj (Hech. 4:29).

4. Odoy neejaixoʼoyɨ. Wɨapsɨ iga tan̈kaʼ tanamuru jempɨk wɨkuyujneyaj, tumiñɨyyaj, iniityyaj ireligión, juʼuts ikeejiyaj y juʼuts iityiyaj. Odoy kujaʼamaʼayɨ:

Jehová y Jesús wɨap iaʼmyaj juʼuts ianmaj; taɨchtyam dyaʼ.
Odoy tanjɨɨxiñ iga Jehová dyaʼ wɨap iyooxpaʼt iga ikaguiñ iityi.

5. Wɨpɨɨkɨ iñjɨɨxi y odoy kɨɨn̈ɨ (Mat. 10:16). Wɨjɨʼyaʼayɨ y odoy an̈nɨʼmaykuʼumɨ. Siiga iñaʼmpa iga dyaʼ mikumaton̈toʼoba, wɨjɨʼyaʼayɨ y akkuyaajɨ jeʼm muruuji (Prov. 17:14).

AʼMƗTYIM

Hech. 4:31; Efes. 6:19, 20; 2 Tim. 1:7