35 Eri rahno, Lapan katohrehla kuht wol kan me alahl oh mwahi toantoal oh kuht lih koaros me mwangerenger oh me mwahi toantoal, koaros me mie mwahi pwetepwet oh poh pwehl nanpwungen sihpw wol pwulopwul kan, oh kihong nah pwutak ko ren apwahpwalih. 36 Mwurin mwo, e wahda nah pelinmen ko oh kohla wasa me dohsang Seikop erein rahn siluh, a Seikop apwahpwalih luhwen nein Lapan pelinmen ko.