15 Erein rahn isuh kumwail pahn tungoale pilawa me sohte doal ihs.+ Ei, ni keieun rahn, kumwail pahn kihsang ihs* nan imwamwail kan, pwehki mehmen me tungoale mehkot me doal ihs sang ni keieun rahn lel ni keisuhwen rahn, aramaso* pahn kamakamala.*

18 “Ke pahn wia Kasarawien Pilawa me Sohte Doal Ihs.+ Ke pahn tungoale pilawa me sohte doal ihs, duwehte me I kehkehlingkihong uhk; ke pahn wia met erein rahn isuh ni ahnsou me kileldi nan sounpwong en Apip,*+ pwehki sounpwong en Apip me ke kohieido sang nan Isip.