17 Ong mehn Israel ko me kilikilang, mwomwen sapwellimen Siohwa lingan duwehte kisiniei me kin kamwomwala wasa pohn kadoken nahnao.

11 “Eri kumwail keido oh uh nin tepin nahnao, oh nahnao wie lullul leldalahng nanleng;* e rotorot, depwekin, oh rotorot mosul.+ 12 Oh Siohwa ketin tepida mahseniong kumwail sang nan kisinieio.+ Kumwail rong ngilen mahsen kan, ahpw sohte me kumwail kilang+—ihte kapitie.+

7 Eri ni ahnsowohte me Solomon kaimwisekala kapakapo,+ kisiniei ahpw kohdihdo sang nanleng+ oh isikala meirong isihso oh meirong teikan, oh sapwellimen Siohwa lingan ahpw kadirehla tehnpaso.+ 2 Samworo ko sohte kak pedolong nan tehnpesen Siohwa pwehki sapwellimen Siohwa lingan kadirehla tehnpesen Siohwa.+ 3 Oh aramas en Israel ko koaros kilikilang ni kisinieio eh kohdihdo oh sapwellimen Siohwa lingan eh pwarada pohn tehnpaso, oh re ahpw kelepwikihdi pohn tat takaio, poaridi oh kaping kalahnganohng Siohwa, “pwehki ih me kupwur mwahu; sapwellime limpoak loalopwoat me poatopoat.”