23 Ih eri ndaiong irail: “Ih met me Siohwa ketin mahsaniher. Lakapw pahn mie rahnen kommoal unsek ehu,* sapad sarawi ehu ong Siohwa.+ Umwunda dahme kumwail anahne umwun, oh pwoailihada dahme kumwail anahne pwoailih;+ kumwail eri kanaidi dahme luhwehdi oh kolokol lao lel nimenseng.”

13 “Koasoiong mehn Israel kan oh ndaiong irail, ‘Kumwail uhdahn pahn kapwaiada ei sapad,+ pwe met iei kilel ehu nanpwungen ngehi oh kumwail erein dih kan me pahn kohdo pwe kumwail en ese me ngehi, Siohwa, me kasarawihkumwailla. 14 Kumwail pahn kapwaiada Sapad, pwe met mehkot sarawi ong kumwail.+ Mehmen me pahn kasaminehla pahn kamakamala. Ma mehmen pahn wia doadoahk sohte lipilipil rahno, aramaso* pahn kamakamala.+

12 “‘Kapwaiada rahnen Sapad pwe ken wiahki met rahn sarawi ehu duwehte me Siohwa omw Koht ketin kehkehlingkihong uhk.+ 13 Ke pahn doadoahk oh wiahda omw doadoahk koaros erein rahn weneu,+ 14 ahpw ni keisuhwen rahn iei sapad ong Siohwa omw Koht.+ Ke sohte pahn wia doadoahk sohte lipilipil,+ kowe de pil noumw pwutak de pil noumw serepein de pil noumw lidu ohl de pil noumw lidu serepein de pil noumw kouwol de pil noumw dongki de pil noumw mahn mand de pil noumw mehn liki men me kin mi nan amwail kahnimw kan,*+ pwe noumw lidu ohl oh lidu serepein en kommoal duwehte kowe.+