11 Kumwail pahn pilada kahnimw kan me mengeiong kumwail en kohla ie, nin duwen kahnimw en rukula kan, wasa me emen me sohte nsenki kemehla emen aramas* pahn tangala ie.+

22 “‘Ahpw ma met sapwungala ehu oh e siken ih kaidehn sang ni kailok de katehki mehkot ehu ni eh sohte men kauwehla ih,*+ 23 de e sohte kilang ih oh kahrehda takai ehu eh pwupwudiong powe oh kaidehn ih imwintihti men de e sohte songosong en kamedekihala, oh aramaso mehla, 24 eri, mwomwohdiso pahn kopwung nanpwungen aramas me wokihedi iho oh aramas me pahn ikih me mehlao, me pahrekiong koasoandi pwukat.+ 25 Mwomwohdiso pahn doarehla ih me kemehla aramaso sang rehn aramas me pahn ikih me mehlao oh kapwurehla ih nan eh kahnimw en rukula me e tangala ieo, oh e pahn kousoan nan kahnimwo lao samworo lapalap me keikihdi leh sarawio pahn mehla.+

42 Ma mehmen kemehla emen ienge ni eh sohte nsenki oh e sohte kailongki ih mahso,+ e pahn tangalahng nan ehu kahnimw pwukat oh momour.+

3 Ke pahn pwalangpeseng sahpw me Siohwa omw Koht ketikihong uhk en sapwenikihla ni pali siluh, oh kaunopada ahl kan pwe emen me kemehla aramas en kak tangalahng nan ehu kahnimw pwukat.

4 “Eri iet me pahn wiawi me pid emen me kemehla aramas me tangala nan wasao pwe en mour: Ni eh kemehla emen ienge ni eh sohte nsenki oh e sohte kailongki ih mahso;+ 5 karasepe ni ahnsou me ih oh iengeo kohla nanwel pwehn wesei tuwi oh e kapahda peho pwe en pelehki tuhke sile pwoat, ahpw moangen sileo pwupwusang ni mangileo oh lel iengeo oh e mehla, me kemehla iengeo anahne tangalahng ehu kahnimw pwukat pwe en mour.+

7 Irail eri katohrehla Kedes+ me mi Kalili nan wasa nahnahn Napdali, Sekem+ nan wasa nahnahn Epraim, oh Kiriad-arpa,+ me iei, Ipron, nan wasa nahnahn Suda. 8 Nan sapwen Sordan, ni palimesehn Seriko, re pilada Peser+ nan sapwtehn me mi wasa patapat en wasa ile sang nan sapwen keinek en Reupen, Ramod+ nan Kilead sang nan sapwen keinek en Kad, oh Kolan+ nan Pasan sang nan sapwen keinek en Manase.+

9 Wasa pwukat wiahla kahnimw kan me pilipilda ong mehn Israel koaros oh mehn liki koaros me kin kousoan rehrail, pwe mehmen me sohte nsenki kemehla aramas* en kak tangala wasao+ oh sohte kamakamala rehn me pahn ikih me mehlao* mwohn eh pahn ale kopwung mwohn mwomwohdiso.+