22 I pahn kasalehiong uhk pein ngehi wasao oh mahseniong uhk sang pohn pweineo.+ Sang nanpwungen kerup riemeno me mi pohn kohpwahn Kadehdeo, I pahn kasalehiong uhk mehkoaros me I pahn kehkehlingkihong uhk ong mehn Israel kan.

15 Oh Esekaia ahpw tepida kapakap+ mwohn silangin Siohwa oh patohwan: “Maing Siohwa, Koht en Israel, me ketiket nan mwoale pohnangin* kerup kan,+ komwi kelehpw me Koht mehlel en wehi koaros en sampah.+ Komwi me ketin wiahda nanleng oh sampah.