• Deuderonomi 1:16, 17
    Paipel—Kawehwehn Sampah Kapw

    • 16 “Ni ahnsowo I padahkihong noumwail sounkopwung kan, ‘Ni amwail pahn karonge repenpwung ehu nanpwungen riamwail kan, kumwail pahn kopwung ni pwung pahrek+ nanpwungen aramas emen oh rie de mehn liki men me kousoan rehmwail.+ 17 Kumwail sohte pahn lipilipilki aramas ni amwail kopwung.+ Kumwail pahn karonge me tikitik men duwehte me lapalap men.+ Kumwail sohte pahn masak aramas,+ pwe kumwail kin kopwung ong Koht;+ oh ma repenpwung ehu me nohn apwal ong kumwail, kumwail pahn wadohng ie, oh I pahn karonge.’+

  • Deuderonomi 16:19
    Paipel—Kawehwehn Sampah Kapw

    • 19 Ke sohte pahn kasapwungehla pwung pahrek,+ ke sohte pahn kasalehda me ke lipilipilki aramas,+ de ke sohte pahn ale kisakis ni ahl sapwung, pwe kisakiso kin karotongehla mesen me loalokong+ oh kawekala en me pwung men koasoi.

  • 2 Kronikel 19:6
    Paipel—Kawehwehn Sampah Kapw

    • 6 Oh e ndaiong sounkopwung ko: “Kumwail medemedewe dahme kumwail kin wiewia, pwe kumwail kin kopwung ni mwaren Siohwa a kaidehn ni eden aramas, oh e kin ketiket rehmwail ni amwail kin kadeik.+