20 Naomi eri ndaiong en nah pwutako pwoudo: “Ohl menet en alehdi kapai sang rehn Siohwa, me sohte ketin uhdihsang kasalehda limpoak loalopwoat ong me momour oh melahr.”+ Naomi pil doula koasoia: “Ohlo emen kisehta.+ Ih emen me ahneki pwuhng en pwainkitahda sapahl.”+

4 Eri I lemedahr me I pahn kehsehkin uhk oh pil nda, ‘Pwainda met mwohn aramas akan me mi wasaht oh ohl mah kan en atail aramas akan.+ Ma ke pahn pwainda sapahl met, eri pwainda.* Ahpw ma ke sohte pahn pwainda sapahl, ndaiong ie pwe I en ese, pwe kowe me ahneki pwuhng en pwainda sapahl, a ngehi mwuri.’” E ahpw sapengki: “I men pwainda sapahl.”+ 5 Pohas eri nda: “Ni rahn me ke pahn pwainda pelien sahpw wet sang rehn Naomi, ke pil anahne pwainsang rehn Rud lihen Mohap, ahn ohl melahro eh pwoud, pwe en kapwurehdo eden ohl melahro ong eh sohso.”+ 6 Aramas me ahneki pwuhng en pwainda sapahlo ahpw nda: “I sohte kak pwainda, pwe I pahn kauwehla ei sohso. Eri, kowe pwainda. I pahn pwilikihdi ei pwuhng en pwainda sapahl, pwehki I sohte kak pwainda.”