20 Noha eri kauwada pei sarawi ehu+ ong Siohwa oh ale ekei sang rehn mahn mwakelekel ko koaros oh sang rehn menpihr mwakelekel ko koaros+ oh wiahda meirong isihs kei pohn pei sarawio.+ 21 Oh Siohwa eri ketin kupwurperenkihda pwohn meirong isihso. Siohwa eri ketin mahsanihong pein ih: “I solahr pahn pwurehng keriahla* pwelen sampah+ pwehki aramas, pwe ineng en mohngiong en aramas kin suwed sangete ni eh tikitik;+ oh I solahr pahn pwurehng kemehla soahng koaros me momour duwehte me I wiahier.+

2 “Koasoiong mehn Israel kan oh ndaiong irail, ‘Ni amwail pahn pedolong nan sahpw me I pahn kihong kumwail pwe kumwail en kousoan loale+ 3 oh kumwail pahn wiahda meirong ehu sang kisiniei ong Siohwa sang pelin kou de pelin sihpw—sohte lipilipil ma meirong isihs+ de meirong ehu pwehn kahukihla inou tohrohr ehu de meirong ehu sang ni nsenamwail+ de meirong ehu erein ahnsoun amwail kasarawi kan,+ pwehn wiahda pwoh kansenamwahu ehu ong Siohwa+—