13 Palak eri ndaiong ih: “Menlau iang ie kohla ehu wasa tohrohr me ke kak kilang irail. Ke pahn kilangete ekei irail; ke sohte pahn kilangedi irail koaros. Kihdiong keria pohrail ong ie sang wasao.”+ 14 Ih eri kahrehla Palaam ni mohsen Sopim, ni kadoken Piska,+ oh kauwada pei sarawi isuh oh meirongkihla kouwol men oh sihpw wol men pohn ehuehu pei sarawi ko.+

28 Palak eri kahrehla Palaam pohn kadoken Pihor, me sallahng Sesaimon.*+ 29 Palaam eri ndaiong Palak: “Kauwada pei sarawi isuh wasaht, oh kaunopadahng ie kouwol isimen oh sihpw wol isimen.”+ 30 Palak eri kapwaiada duwehte me Palaam ndao, oh e meirongkihla kouwol men oh sihpw wol men pohn ehuehu pei sarawi ko.