• Eksodus 15:11
    Paipel—Kawehwehn Sampah Kapw

    • 11 Maing Siohwa, ihs nanpwungen koht akan me duwei komwi?+

      Ihs me duwei komwi, me kin kasalehda sarawihe kowahlap?+

      Me warohng ale lemmwin ni koulen kaping kan, me kin ketin wiewia soahng kapwuriamwei kan.+

  • 2 Samuel 7:22
    Paipel—Kawehwehn Sampah Kapw

    • 22 Ihme kahrehda komwi uhdahn lapalap,+ Maing Kaun Wasa Lapalahpie Siohwa. Sohte emen me duwehte komwi,+ oh sohte Koht emen likin komwi;+ soahng koaros me se rongkiher salengat ka kadehdedahr met.

  • 1 Nanmwarki 8:23
    Paipel—Kawehwehn Sampah Kapw

    • 23 oh patohwan: “Maing Siohwa, Koht en Israel, sohte emen Koht nanleng de pil nin sampah me duwehte komwi,+ me kin ketin kolokol inou lapo oh ketin kasalehda limpoak loalopwoat+ ong sapwellimomwi ladu kan me kin weweid mwohn silangomwi sang nan arail mohngiong unsek.+

  • Seremaia 10:6, 7
    Paipel—Kawehwehn Sampah Kapw

    •  6 Maing Siohwa, sohte emen me duwehte komwi.+

      Komwi me lapalap, oh mwaromwi me lapalap oh manaman.

       7 Maing Nanmwarkien wehi kan,+ ihs me sohte pahn lemmwikin komwi? Pwe komwi warohng met;

      Pwehki nanpwungen me loalokong kan koaros en wehi kan oh nanpwungen arail wehi kan koaros,

      Sohte douluhl emen me duwehte komwi.+