29 E langahda nanmwarkien Ai nin tuhke pwoat lao lel nin soutik, oh ni ketipino eh pahn kihrlahr, Sosua ruwese irail en kihdihsang paliwar mehlao nin tuhkeo.+ Irail eri kesehdi paliwaro ni wasahn pedolong en ewen kelen kahnimwo oh koasoakehda lapalahn koasoakoasoak en takai powe, me mihmihte leledo rahnwet.

7 Iet nanmwarki kan en sahpw me Sosua oh mehn Israel kan kalowehdi ni palikapi en Sordan, sang Paalkad+ nan Wahun Lepanon+ kolahng Nahna Alak,+ me kohdahla Seir.+ Mwurin mwo, Sosua eri kihong keinek en Israel kan sapwarail ko nin duwen sohso ehu oh pwaisarail.+