9 Ni ahnsou me mehn Israel kan likweriong Siohwa peki sawas,+ Siohwa ketikihda sounkomour men pwe en doarehla mehn Israel kan,+ iei Odniel+ nein Kenas, rien Kalep pwutak tikitik. 10 Sapwellimen Siohwa ngehn sarawi* ahpw ti powe,+ oh e wiahla sounkopwung en Israel. Ni ahnsou me e kolahng mahwen, Siohwa eri ketikihong Kusan-risadaim nanmwarkien Mesopodamia* nan peh pwe en kalowehdi Kusan-risadaim.

29 Sapwellimen Siohwa ngehn sarawi* ahpw ti pohn Sepda,+ e ahpw kotehla Kilead oh Manase pwe en kohla Mispe nan Kilead,+ oh sang Mispe nan Kilead e douluhllahng rehn mehn Ammon kan.

24 Mwuhr liho naitikihada pwutak emen oh kihong ede Samson;+ oh ni pwutako eh wie kekeirda, Siohwa kin ketin usehlahte kapaiahda ih. 25 Kedekedeo sapwellimen Siohwa ngehn sarawi* ahpw tepida kamwakidada ih+ nan Meiane-dan,+ nanpwungen Sorah oh Estaol.+

6 Sapwellimen Siohwa ngehn sarawi* eri kakehlahda ih,+ oh e dapengpeseng laiono wiahda riau, duwehte emen eh kin dapengkipeseng peh kan kuht pwulopwul men. Ahpw e sohte ndaiong seme de ine dahme e wiao.

14 Ni eh kohla Lihai, mehn Pilisdia kan ahpw weriwer en kana ni arail tuhwong ih. Sapwellimen Siohwa ngehn sarawi* ahpw kakehlahda ih,+ oh sahl ko me mi ni peh ko duwehla dereht linen me rongkihla kisiniei, oh selipe kan pwupwusang ni peh ko.+

6 Ih eri ndaiong ie: “Iet mahsen en Siohwa ong Serupapel: ‘“Kaidehn sang ni pwihnen sounpei ehu de pil kehl en aramas+ ahpw sang ni ei ngehn sarawi,”*+ Siohwa kaunen karis en sounpei me ketin mahmahsen.