9 Kaping en kohwong Siohwa omwi Koht,+ me ketin kupwurperenkin komwi ni eh ketikinkomwihdi nan mwoalen Israel. Pwehki sapwellimen Siohwa limpoak poatopoat ong Israel, e ketin idihkomwihda nin duwen nanmwarki pwe komwi en ketin wia kopwung ni pwung pahrek oh kaunda ni pwung.”

11 Airam nanmwarkien Dair eri kadaralahng Solomon kisinlikou wet: “Pwehki Siohwa ketin poakohng sapwellime aramas akan, e ketin wiahkinkomwihla ar nanmwarki.”