13 Oh e ketin mahsanihong kumwail sapwellime inou lapo,+ me e ketin kehkehlingkihong kumwail en kapwaiada—Kosonned Eisek ko.*+ Mwurin mwo, e ketin ntingihedi kosonned ko pohn pelien takai patapat riapalio.+

4 Ih wasaht me mehn isihs kohlo+ oh kohpwahn inou lapo+ me kidikidkipene kohl wasa koaros+ kin mi ie. Nan kohpwao, sah kohl ehu mie me audaudki manna+ iangahki en Aaron sokon me mpwekdao+ oh pil pelien takai patapat+ en inou lapo;