14 “‘Oh ma mehn liki men kin kousoan rehmwail, e pil pahn kaunopada meirong en Pahsohpa ong Siohwa.+ E pahn wia met nin duwen koasoandi en Pahsohpa oh wiepe me koasoandier.+ E pahn mie koasoandi ehu ong kumwail, ong mehn liki kan oh pil ong pwilidak kan.’”+

16 Rud ahpw nda: “Ke dehr peki I en keseiukala pwe I en dehr iang uhk; pwe wasa me ke pahn kohla ie I pahn kohla ie, oh wasa me ke pahn pweidi ie, I pahn pweidi ie. Omw aramas pahn wia ei aramas, oh omw Koht pahn wia ei Koht.+

15 Mwurin mwo e ahpw pwurala rehn ohlen Koht mehlelo,+ ih oh nah sounpei ko koaros, oh e kesihnenda mwowe oh nda: “Met I eseier me sohte Koht emen nan sampah pwon ahpw ihte nan Israel.+ Eri komw kupwurkalahngan oh ale kisakis* wet sang sapwellimomwi laduet.”

32 “Oh pil duwen mehn liki men me sohte wia kisehn sapwellimomwi aramas en Israel oh me kohdo sang sahpw doh pwehki mwaromwi* lapalap+ oh duwen nin limomwi roson oh manaman lapalap, oh e patohdo sohpeidohng tehnpas wet oh kapakap,+ 33 eri komwi en ketin karonge sang nanleng, wasa me komwi kin ketiket ie, oh ketin wiahda mehkoaros me mehn likio peki rehmwi, pwe aramas koaros nin sampah en esehla mwaromwi+ oh lemmwikin komwi, duwehte me sapwellimomwi aramas en Israel kan kin wia, oh en ese me tehnpas wet me I kauwadahr kin kalinganahda mwaromwi.

I pahn kupwurehla arail meirong isihs kan me pwonte isihsla oh arail meirong teikan pohn ei pei sarawio.

Pwe tehnpesei pahn adaneki tehnpesen kapakap ong aramas akan koaros.”+

27 E ahpw uhda oh kohla, a kilang! ohlen Idiopia lapalap men,* ohl men me ahneki manaman pahn Kandehsi, lih nanmwarkien Idiopia, oh me kin apwahpwalih eh dipwisou kesempwal kan koaros. Ohlo kolahngehr Serusalem pwe en kaudok,+