20 Nein Nanmwarki Solomon kep koaros wiawihkihda kohl, oh dipwisou koaros nan Imwen Welin Lepanon wiawihkihda kohl tohr. Sohte mehkot me wiawihkihda silper, pwehki sohte weden silper ni mwehin Solomono.+ 21 Pwe weren nanmwarkio sohp ko kin kohla Tarsis+ iangahki nein Airam ladu ko.+ Pak ehu nan sounpar siluh koaros, sohp en Tarsis ko kin kohdo audaudkidahr kohl oh silper, aipori,+ mwengki oh pihkoak* kan.