6 Ahpw sounpapaho sapengki: “Kilang, mie ohlen Koht men nan kahnimw wet, ohl menet me inenen wahun. Soahng koaros me e kin koasoia uhdahn pahn pweida.+ Kita kohla mahs mwo. Mweinele e kak ndaiong kita ia wasa kita kak kohla ie.” 7 Sohl eri ndaiong nah sounpapaho: “Ma kita kohla, dahme kita kak wahla rehn ohlo? Sohte pilawa nan ata ehd kat; sohte mie kisakis me kita kak walahng ohlen Koht mehlel menet. Dahme mie rehta?”