29 Nanmwarki Sehoram ahpw pwurala Sesreel+ pwehn kamwahwihala ohla ko me mehn Siria kan wiahiong ih nan Rama* ni eh mahweniong Nanmwarki Asael en Siria.+ Ahasaia nein Sehoram nanmwarkien Suda ahpw kohdihla Sesreel pwehn tuhwong Sehoram nein Eihap, pwehki eh ohla.*

21 Sehoram eri nda: “Kaunopada werei kurumao!” Were kurumahn mahweno eri kaunopadahng oh Nanmwarki Sehoram en Israel oh Nanmwarki Ahasaia+ en Suda ahpw kohieila nan warara kurumahn mahwen ko pwehn tuhwong Sehu. Ira tuhwong ih nan sapwen Napod+ mehn Sesreelo.

27 Ni ahnsou me Nanmwarki Ahasaia+ en Suda kilangada dahme wiewiawi, e ahpw tangdoaui ni ahl me kolahng imwen mwetuwel. (Mwuhr Sehu pwakihala ih oh nda: “Kumwail pil kemehla ih!” Eri re kasikihdi ih nan kurumao ni eh kohkohdalahng Kur, me mi limwahn Ipleam.+ Ahpw e usehlahte tangalahng Mekiddo oh e mehla wasao.

22 Tohn Serusalem kan eri kasapwilada nah pwutak me keieu tikitiko Ahasaia, en wiliandi ih wiahla nanmwarki, pwe pwihnen aramas loallap ko me iangodo mehn Arepia ko nan kahnimpwalo kemehla nah pwutak laud ko koaros.+ Eri Ahasaia nein Sehoram pwutak ahpw tepida kakaun nin duwen nanmwarkien Suda.+