4 Irail eri wahda sang ni imwen Apinadap me mi pohn dohlo, Kohpwahn inou lap en Koht mehlelo, oh Ahio me alu mwohn Kohpwao. 5 Depit oh mehn Israel ko koaros wiewia kasarawi mwohn silangin Siohwa ni ar doadoahngki soangsoangen mehn keseng koaros me wiawihkihda tuhke suniper, arp, keseng sahl teikan,+ dampwurin,+ simpal,*+ oh mehn keseng teikan.

12 Pakair ahpw wiawihong Nanmwarki Depit: “Siohwa ketin kapaiadahr imwen Oped-edom oh mehkoaros me e ahneki pwehki Kohpwahn inou lap en Koht mehlelo.” Depit eri kohkohla ni peren+ pwehn wahsang Kohpwahn inou lap en Koht mehlelo ni imwen Oped-edom oh wahla nan kahnimw en Depit.