11 Samuel eri ndaiong Sehsi: “Ih noumw pwutak ko koaros me?” Ih eri sapeng: “Pil mie emen nei pwutak, me keieu tikitik;+ e apwahpwalih pelin sihpwo.”+ Samuel eri ndaiong Sehsi: “Ileklahng ih, pwehki kitail sohte pahn mwohndi mwenge lao e kohdo wasaht.” 12 Ih eri ileklahng en kohdo oh kahrehlongala ih loaleo. E mas pwukapwuk, pwoaren mese ko kaselel, oh e masamwahu.+ Siohwa eri ketin mahsanih: “Uhda, keiehdi ih, pwe iei ih met!”+

15 Depit kin kohla oh pwurodo sang rehn Sohl pwehn apwalih nein eh pahpao sihpw kan+ nan Pedleem.

30 Oh ni Siohwa eh pahn ketin wiahda soahng mwahu koaros me e ketin inoukidahr ong ei kaun oh ketin idihkomwihda en wia kaunen Israel pwon,+

8 Eri ndaiong ei ladu Depit met, ‘Iet me Siohwa kaunen karis en sounpei ketin mahsanih: “I ketikihsang uhk nan mohs akan, sang omw kin apwahpwalih pelinmen kan,+ pwe ken wiahla kaunen nei aramas en Israel kan.+ 9 Oh I pahn ieiang uhk wasa koaros me ke pahn kohla ie,+ oh I pahn kasohrehsang* omw imwintihti kan koaros mwohmw,+ oh I pahn kahrehiong edomwen en lapalapala+ duwehte eden aramas lapalap kan en sampah. 10 I pahn pilada ehu wasa ong nei aramas en Israel kan oh koasoaneiraildi, oh re pahn kousoanla mwo oh sohla me pahn lidere irail; oh aramas suwed kan sohla pahn pwurehng kaloke irail duwehte me re kin wia mahso,+ 11 sang ni rahn me I idihada sounkopwung kan+ ong nei aramas en Israel kan. Oh I pahn kihong uhk meleilei ni ei pahn irehsang uhk omw imwintihti kan koaros.+

“‘“Oh Siohwa pil ketin mahsanihonguhkehr me Siohwa pahn ketin wiahiong omw peneinei en wiahla peneinei en nanmwarki ehu.+