• 2 Samuel 8:15-18
    Paipel—Kawehwehn Sampah Kapw

    • 15 Depit kin kakaun Israel pwon,+ oh Depit kin wia kopwung ni pwung pahrek oh kaunda ni pwung+ nah aramas akan koaros.+ 16 Sohap+ nein Seruaia me wia kaunen karis en sounpei ko, oh Seosopat+ nein Ahilud me wia sounnting. 17 Sadok+ nein Ahidup oh Ahimelek nein Apaiadar me wia samworo, oh Seraia me wia sekteri. 18 Penaia+ nein Sehoiada me kaunen mehn Kered kan oh mehn Peled kan.+ Oh nein Depit pwutak kan wiahla kaun lapalap kei.*

  • 2 Samuel 23:3, 4
    Paipel—Kawehwehn Sampah Kapw

    •  3 Koht en Israel ketin mahsen;

      Paip en Israel+ ketin mahsanihong ie:

      ‘Ni ahnsou me emen me kin kaunda aramas akan kin pwung,+

      Kakaun ni lemmwin Koht,+

       4 E kin duwehte marain en nimenseng ni ketipino eh kin dakada,+

      Nimenseng me sohte depwek.

      E kin duwehte marain en mwurin keteu,

      Me kin kahrehiong dihpw en wosada sang nanpwel.’+

  • Melkahka 78:70-72
    Paipel—Kawehwehn Sampah Kapw

    • 70 E ketin pilada sapwellime ladu Depit+

      Oh ketikihsang ih nan kelen sihpw kan,+

      71 Sang eh kin apwalih sihpw lih kan oh wahrail kan;

      E ketin wiahiong ih en wia silepen Seikop, sapwellime aramas akan,+

      Oh Israel, sapwellime sohso.+

      72 Depit kin apwalih irail ni mohngiong loalopwoat,+

      Oh e kahluwa irail ni koahiek.+