13 Nanmwarkien Papilon eri kihsang dipwisou kesempwal koaros en tehnpesen Siohwa oh dipwisou kesempwal kan en tehnpesen nanmwarkio.+ E lupukpene dipwisou kohl koaros me Solomon nanmwarkien Israel wiahda nan tehnpas sarawi en Siohwa.+ Met wiawi duwehte me Siohwa ketin kohpadahr.

17 Kumwail dehr rong irail. Papah nanmwarkien Papilon oh kumwail ahpw pahn momour.+ Ia kahrepen kahnimw wet en wiahla mohn kahnimw ehu? 18 Ahpw ma irail soukohp kei oh ma mahsen en Siohwa mi rehrail, menlau mweidohng irail ren peki rehn Siohwa kaunen karis en sounpei, pwe dipwisou kan me luhwehdi nan tehnpesen Siohwa, nan tehnpesen nanmwarkien Suda oh nan Serusalem en dehr wisikla Papilon.’