5 Oh ni ahnsoun meirong en krein en nin soutiko,+ I ahpw uhda sang nan ei namenek, ni ei likou oh likou reirei me sohte peho eh teipeseng, oh I kelepwikihdi oh kapahla pehi kat ong Siohwa ei Koht. 6 Oh I patohwan: “Maing ei Koht, I sarohdier oh I namenek en saradahng silangomwi, Maing ei Koht, pwe at sapwung kan tohtohla daulihalahr moangat kan oh dipat kan koasoakoasoakda leldahla nanleng.+