20 “Iet me Siohwa ketin mahsanih, ‘Ma kumwail kak kauwehla ei inou lap ong nin rahn oh ei inou lap ong nipwong, pwehn kauhdi rahn oh nipwong pwe ira en dehr leledo ni ahnsou me konehng,+ 21 eri ihte ahnsowo me ei inou lap rehn ei ladu Depit kak ohla,+ pwe en sohte naineki pwutak men me pahn kakaun nin duwen nanmwarki men pohn mwoale,+ oh pil ei inou lap rehn samworo mehn Lipai kan, nei sounpapah kan.+