9 Moses, Aaron, Nadap, Apihu oh ohl mah en Israel 70 ahpw kohdahla, 10 oh irail kilangada Koht en Israel.+ Pahn aluweluwe ko mwomwen duwehte tat takai me wiawihkihda sapair, oh e min duwehte nanleng.+

6 Ni pahr me Nanmwarki Usaia mehla,+ I kilangada Siohwa eh ketiket pohn mwoahl ileile ehu,+ oh sapwellime likou reireio kadirehla tehnpas sarawio. 2 Serap kei wie kesikesihnen pohnangi; emenemen mie eh pehnpihr weneu. Emenemen* pwainkihdi mese pehnpihr riau oh pwainkihdi neh pehnpihr riau, oh emenemen irail kin pihrki pehnpihr riau.

 3 Oh emenemen irail kin ndinda:

“Sarawi, sarawi, sarawi iei Siohwa kaunen karis en sounpei.+

Sampah pwon direkilahr sapwellime lingan.”

27 Sang ni lukopeo kohda,* I kilangada mehkot me wie linglingaling duwehte mete lingaling ehu,+ duwehte kisiniei ehu me wie linglingaling; oh sang ni lukopeo kohdi, I kilangada mehkot ehu me duwehte kisiniei.+ Marain lingaling ehu kapilpene ih wasa koaros 28 me duwehte ahia pwoat+ nan depwek ehu ni rahnen keteu. Ih mwomwen marain lingaling me kapilpeneo eh pwarada. E duwehte lingan en Siohwa.+ Ni ei kilangada met, I poaridiong nanpwelo oh tepida rong kapitien emen me mahmahsen.

2 Mwurinte met, ngehn sarawi* ahpw tepida doadoahk rehi, oh kilang! mwoahl ehu mi nanleng oh mehmen ketiket pohn mwoahlo.+ 3 Oh Ih me ketiket powe lingaling duwehte takai sasper+ oh takai sardius,* oh ahia ehu me duwehte emerald kapilpene mwoahlo.+