5 Pwehki en mi pahn sapwellime engieng kin ahnsoutehkis,+

Ahpw en mi pahn sapwellime kupwuramwahu kin mihmi erein mour.+

61 Ngehn sarawi* en Kaun Wasa Lapalahpie Siohwa, mi rehi,+

Pwehki Siohwa ketin keieiehdier pwe I en lohki rohng mwahu ong me opampap.+

E ketin poaroneiehdo pwe I en kamwahwihala* me nan kapehd tikitikla,

Pwe I en lohkihong me sensel kan ar saledek

Oh kapehdpeseng mesen irail kan me mi nan imweteng,+

 2 Pwe I en lohki pahr en sapwellimen Siohwa kupwuramwahu

Oh rahnen ikih en atail Koht,+

Pwe I en kansenamwahwih koaros me kin mwahiei.+

 3 Pwe I en apwalih irail me mwahieiki Saion,

Pwe I en kihong irail mehn kapwat moahng ehu a kaidehn pehs kan,

Lehn peren a kaidehn mwahiei,

Likoun kaping a kaidehn sohla koapworopwor.

Oh irail pahn adaneki tuhke laud kan en pwung,

Me Siohwa ketin padokedi, pwehn kalinganahla ih.+