35 Ahnsou koaros me Kohpwao kin wisikda, Moses kin patohwan: “Maing Siohwa,+ komw ketida, oh sapwellimomwi imwintihti kan en mwarahkpeseng, oh irail me kin kailongkin komwi en tangpeseng mwohmwi.”

17 Irail eri wahdo Kohpwahn inou lap en Siohwa oh pwilikihdi nan dewe nan impwal me Depit kauwadahro.+ Depit eri wiahda meirong isihs+ oh meirong en kaminimin+ mwohn silangin Siohwa.+