• Melkahka 128:1-5
    Paipel—Kawehwehn Sampah Kapw

    • 128 Meid peren aramas koaros me kin lemmwiki Siohwa,+

      Me kin weweid nan sapwellime ahl akan.+

       2 Ke pahn tungoale wahn omw doadoahk laud.

      Ke pahn nsenamwahu oh paiamwahu.+

       3 Omw pwoud lih pahn rasehng tuhkehn kreip me diren wah ni imwomwo;+

      Noumw pwutak kan pahn rasehng pons en tuhkehn olip me kapilpene omw tehpel.

       4 Kilang! Ih duwen met me aramas me kin lemmwiki Siohwa

      Eh pahn alehdi kapai.+

       5 Siohwa pahn ketin kapaiaiuk sang Saion.

      Ke en kilang pweidahn Serusalem erein omw mour+