• Lepin Padahk 9:13-18
    Paipel—Kawehwehn Sampah Kapw

    • 13 Lih pweipwei men kin ewen wedei.+

      E kin sawehwe oh sohte douluhl ese mehkot.

      14 E kin mwomwohd ni wasahn pedolong en imweo

      Pohn wasahn mwomwohd en wasa ile kan en kahnimwo,+

      15 Liklikwerlahng irail me kin keid limwah,

      Irail akan me kin alialu kohwei pohn alarail:

      16 “Mehmen me soakoahiek, en kohdo wasaht.”

      E kin ndaiong irail akan me sohte ahneki lamalam mwahu:*+

      17 “Pihl me pirapada me mem,

      Oh mwenge me emen kin tungoale ni rir me iou.”+

      18 Ahpw re sehse me melahr akan me sohte ar kehl mi wasao,

      Irail me lih menet lukehdo mi nan kepin Sousou.*+