-
Sohp 38:8-11Paipel—Kawehwehn Sampah Kapw
-
-
8 Oh ihs me irehdi sehdo mwurin wenihmw kan+
Ni eh kusupekda sang ni utupen madau,*
9 Ni ei kalikawihkihda sehd depwek kan
Oh kidimkihpene sehd rotorot mosul,
10 Ni ei koasoanehdi irepen sehd
Oh pwilikihdi lepin tuhkehn kateng oh wenihmw kan nan dewe,+
11 Oh I mahsanih, ‘Ke kak lelete wasaht, ke sohte pahn daulihala;
Ih wasaht me omw ilok sawa kan pahn uhdi ie’?+
-
-
Melkahka 33:7Paipel—Kawehwehn Sampah Kapw
-
-
7 E ketikipene pilen madau kan duwehte kelen pihl;+
E ketikilahng ilok en sehd kan nan imwen nahk kan.
-
-
Melkahka 104:6-9Paipel—Kawehwehn Sampah Kapw
-
-
6 Komw ketin koaduhpwalkidier sampah pihl loal kan duwehte likou ehu.+
Pihl akan kin koaduhpwalihdi nahna kan.
7 Pihl akan pwilpeseng ni omw ketin angiangihirailda;+
Ni ar rong ngilen ngirisek en sapwellimomwi nansapwe, re tangdoaui.
8 —Nahna kan kohda+ oh wahu kan kohdi—
Nan wasa me komw ketin koasoanediong irail.
9 Komw ketin koasoanedier irepe ehu me pihl akan sohte pahn daulihala,+
Pwe ren dehr pwurehng koaduhpwalihdi sampah.
-
-
Seremaia 5:22Paipel—Kawehwehn Sampah Kapw
-
-
22 Siohwa ketin mahsanih, ‘Kumwail sohte lemmwikin ie?
Kumwail sohte pahn rerrer mwohn silangi?
Ngehi me kihdi pihk en wia irepen sehd,
Koasoandi poatopoat ehu me sehd sohte kak kotehla.
Mendahki ilok kan kin pwungupwungudek, re sohte kak pweida;
Mendahki re kin ngiringirisek, re pil sohte kak kotehla pihko.+
-