8 “Ni aramas men eh lukeiuk ong kamadipw en kapwopwoud ehu, ieremen mwohndi* nan dewen me lapalap akan.+ Mwein emen me lapalap sang uhk pil pahn iang lukodo. 9 Eri, aramas me lukei kumwa pahn kohdo oh ndaiong uhk, ‘Mweidohng ohl menet en ale dewomwen.’ Ke ahpw pahn namenekla oh kohla mwohndi ni kapio. 10 Ahpw ni omw pahn ale luhk, kohla oh mwohndi ni kapio pwe ni ahnsou me ohl me lukeiuko pahn kohdo, e pahn ndaiong uhk, ‘Kompoakepahi, kohla mwoweo.’ Ke ahpw pahn waunla mwohn iengomw me lukodo ko.+

5 Pil duwehte kumwail mwahnakapw kan, kumwail uhpahiong ohl mah kan.*+ Ahpw kumwail koaros en kasalehda aktikitik* nanpwungamwail pwehki Koht kin ketin uhwong me aklapalap kan, ahpw e kin ketikihong me aktikitik kan kadek sapan.+