• Aiseia 44:14, 15
    Paipel—Kawehwehn Sampah Kapw

    • 14 Mie emen me eh doadoahk iei en pelehdi tuhke sidar kan.

      E kin pilada soangen tuhke pwoat, tuhke ohk* pwoat,

      Oh e kin mweidohng en keirda kehlail nanpwungen tuhkehn nanwel kan.+

      E padokedi tuhke lohrel pwoat, oh keteu me kin kakairada.

      15 Aramas eri tuwihkihla tuhkeo.

      E kin ale ekei tuwi ko pwehn wia eh mehn rengireng;

      E kin wiahda kisiniei ehu oh umwunda pilawa.

      Ahpw e pil kin wiahda koht men oh kaudokiong.

      E kin wiahkihda tuhkeo sansal perperda ehu, oh e kin poaridiong mwowe.+