• Aiseia 35:10
    Paipel—Kawehwehn Sampah Kapw

    • 10 Irail me Siohwa ketin kasaledekala* pahn pwurodo+ oh kohdo Saion ni weriwer en peren.+

      Peren me sohte imwi pahn kapwata moangarail kan.+

      Re pahn ahneki peren oh nsenamwahu,

      Oh pahtou oh sengloal pahn tang.+

  • Aiseia 61:7
    Paipel—Kawehwehn Sampah Kapw

    •  7 Kumwail pahn ale pwaisamwail pahn pak riau a kaidehn kanamenek,

      Oh irail pahn weriwerki peren pwehki pwaisarail a kaidehn saroh.

      Ei, irail pahn sapwenikihla sapwarailo me laudla pahn pak riapak.+

      Irail pahn pereperen kohkohlahte.+

  • Seremaia 33:10, 11
    Paipel—Kawehwehn Sampah Kapw

    • 10 “Iet me Siohwa ketin mahsanih: ‘Ih wasaht me kumwail pahn nda wasa tehn me sohte aramas de pelinmen kousoan ie, nan kahnimw en Suda kan oh nanial en Serusalem kan me tehnla, me sohte aramas de towe de pelinmen kan, aramas akan pahn pwurehng rong 11 ngilen peren oh ngilen nsenamwahu,+ ngilen ohl kamwohd oh ngilen lih kamwohd, ngilen irail me kin nda: “Kapingkalahngan ong Siohwa kaunen karis en sounpei, pwe Siohwa me kupwur mwahu;+ sapwellime limpoak loalopwoat me poatopoat!”’+

      “‘Irail pahn wahdo meirong en kapingkalahngan kan nan tehnpesen Siohwa,+ pwe I pahn kapwurehdo irail tohn sahpwo me selidi, duwehte nin tapio,’ Siohwa me ketin mahmahsen.”