36 Kidion ahpw patohwanohng Koht mehlelo: “Ma komw pahn ketin doadoahngkin ie pwe en doarehla Israel, duwehte omwi ketin inoukidahr,+ 37 eri iet I pahn patohwandiong wunen sihpw kiset nan wasahn kihsang kilin krein.* Ma pahn mie pwoaik pohn wunen sihpw kiset, oh nan pwehlo pwon madekeng, eri I pahn patohwan ese me komw pahn ketin doadoahngkin ie pwe en doarehla Israel, duwehte omwi ketin inoukidahr.”

30 “‘Oh met pahn wia kilel ong uhk:* Pahr wet kumwail pahn tungoale dahme pein wosada;* oh ni keriaun sounpar, kumwail pahn tungoale krein me wosada sang met; ahpw ni kesiluhwen sounpar kumwail pahn kamwarak werentuhke oh dolung, oh kumwail pahn padok mwetin kreip kan oh tungoale wahrail kan.+

7 Ih kilel en met sang Siohwa pwehn kasalehiong uhk me Siohwa pahn ketin kapwaiada mahsen kan me e ketin mahsanihier:+ 8 Met I pahn wiahiong mwetehn ketipin me kohkohdi pohn en Ahas kehndakeo* en pwurala mwuri ni kahk eisek.”’”+ Eri ketipin pwurala mwuri ni kahk eisek pohn kehndake me e kohdihsangehr poweo.