16 Siohwa ketin sapeng Moses, mahsanih: “Kapokonepene ohl 70 sang ohl mah kan en Israel, ohl akan me ke ese* me mah oh me lapalap en aramas akan,+ oh wairailla ni impwal en mihtingo, oh ren iang uhk kesihnenda wasao. 17 I pahn kohdihdo+ oh mahseniong uhk wasao,+ oh I pahn kihsang ekis ei ngehn sarawi*+ me mi pohmw oh kihdiong pohrail, oh irail pahn seweseiuk apwalih aramas akan pwe ken dehr kelehpw apwalih pwukoa wet.+