• Aiseia 9:7
    Paipel—Kawehwehn Sampah Kapw

    •  7 Sapwellime pwuhng en kaunda* pahn lalaudla kohkohlahte

      Oh pil popohl pahn poatopoat+

      Nan mwoalen Depit+ oh nan sapwellime wehi.

      E pahn kokouda teng+ oh mihmihte

      Sang ni pwung pahrek+ oh pwung,+

      Sang met oh pil kohkohlahte.

      Siohwa kaunen karis en sounpei pahn ketin ngoangki wia met.

  • Aiseia 11:4, 5
    Paipel—Kawehwehn Sampah Kapw

    •  4 E pahn ketin kadeik me semwehmwe kan ni pahrek,*

      Oh sang ni pwung e pahn ketikihda peneu pwehki me opampap kan nin sampah.

      E pahn ketin poakiheki sampah sokon en doauese+

      Oh ketin kemehkihla me suwed kan ahng* en kilin ewe kan.+

       5 Pwung pahn wia kateng me pidakih lukope,

      Oh lelepek iei kateng en pwone.+

  • Seremaia 23:5
    Paipel—Kawehwehn Sampah Kapw

    • 5 Siohwa ketin mahsanih, “Kilang! Rahn akan pahn kohdo ahnsou me I pahn kawosehda pons* pwung ehu sang Depit.+ Oh nanmwarki men pahn kaunda+ oh kasalehda eh dehde oh utung pwung pahrek oh pwung nan sahpwo.+

  • Sekaraia 9:9
    Paipel—Kawehwehn Sampah Kapw

    •  9 Nein Saion serepein, perenda kowahlap.

      Nein Serusalem serepein, weriwerki ngilen kana.

      Kilang! Omw nanmwarki ketiket kohdo rehmw.+

      E kin pwung, wahwahdo komour,*

      Aktikitik+ oh dakedake dongki men,

      Pohn dongki pwul men,* wahn dongki lih men.+