• Aiseia 1:23
    Paipel—Kawehwehn Sampah Kapw

    • 23 Noumwail lapalap akan keptakai oh kin ehuong lipirap akan.+

      Irail koaros kin perenki ale kisakis ni ahl sapwung oh rapahki kisakis kan.+

      Re sohte kin wiahiong me sepwoupwou kan pwung pahrek,

      Oh repenpwung en liohdi sohte kin lellahng irail.+

  • Seremaia 5:26-28
    Paipel—Kawehwehn Sampah Kapw

    • 26 Pwe mie aramas suwed nanpwungen nei aramas akan.

      Irail kin mwasamwasahnte, duwehte sounpoar menpihr kan ar kin karahkidi.

      Irail wiahda lidip keper ehu.

      Aramas me re kin lidipihedi.

      27 Duwehte kehl ehu me diren menpihr kan,

      Ih duwen imwarail kan ar direkihla widing.+

      Ihme kahrehda irail kehlailla oh kepwehpwehla.

      28 Irail mworouroula oh kil medendella;

      Irail direkihla suwed.

      Irail sohte kin peki pwung pahrek en me sepwoupwou kan,+

      Pwe ren kak pweida;

      Oh irail kin kahmahmkihla pwung pahrek en me semwehmwe.’”+

  • Maika 2:1, 2
    Paipel—Kawehwehn Sampah Kapw

    • 2 “Meid suwediong irail me kin koasoakoasoane mehkot kamedek,

      Me kin koasoakoasoane mehkot suwed pohn arail peht kan!

      Ni ahnsou me marain en nimenseng kin leledo re kin kapwaiada met,

      Pwehki re ahneki kehl en wia dahme re koasoanehdio.+

       2 Re kin noahroke mwaht kan oh kulihada mepwukat;+

      Oh pil ihmw kan, oh re kin ale mepwukat;

      Re kin widing pwehn alehdi imwen ohl emen,+

      Oh pwehn ale eh sohso.