52 Re pahn kapiluhkpene, ritinguhkedi nan omw kahnimw kan* koaros nan sapwomw kan pwon lao omw dihd ile oh kehlail kan me ke kin koapworopworki pahn rengkidi. Ei, re uhdahn pahn kapiluhkpene nan omw kahnimw kan koaros nan sapwomw pwon me Siohwa omw Koht ketikihong uhk.+

24 Kilang! Aramas akan kodohr wiahda koasoakoasoak kan pwehn kalowehdi kahnimwo,+ oh pwehki kedlahs,+ lehk lapalap oh soumwahu lusulus,+ kahnimwo uhdahn pahn lohdi nan pehn mehn Kaldia kan me wie mahmahweniong; soahng koaros me komw ketin mahsaniher pweidahr, nin duwen me komw mahmahsanih ni ahnsou wet.