• Seremaia 14:13
    Paipel—Kawehwehn Sampah Kapw

    • 13 Ngehi eri patohwan: “Maing Kaun Wasa Lapalahpie Siohwa! Soukohp akan ndaiong irail, ‘Kumwail sohte pahn kilang kedlahs, oh lehk lapalap sohte pahn kohdiong pohmwail, ahpw I pahn kihong kumwail popohl mehlel wasaht.’”+

  • Seremaia 23:16, 17
    Paipel—Kawehwehn Sampah Kapw

    • 16 Iet me Siohwa kaunen karis en sounpei ketin mahsanih:

      “Kumwail dehr rong mahsen en soukohp akan me kin wiewia kokohp ong kumwail.+

      Re kin pitipitih kumwail.*

      Kaudiahl me re kin koasoia kin kohsang nan ar mohngiong,+

      Kaidehn sang ni doauesen Siohwa.+

      17 Re kin pwurupwurehng ndindaiong irail me kin mwamwahlikin ie,

      ‘Siohwa ketin mahsanih: “Kumwail pahn ahneki popohl.”’+

      Oh re kin ndaiong koaros me kin idawehn ar mohngiong keptakai,

      ‘Sohte kahpwal pahn lelohng kumwail.’+

  • Seremaia 28:1, 2
    Paipel—Kawehwehn Sampah Kapw

    • 28 Nan pahrohte, ni tepin mwehin Nanmwarki Sedekaia+ en Suda, ni kapahieun sounpar, ni kelimaun sounpwong, soukohp Ananaiah nein Assur sang Kipeon+ ahpw ndaiong ie nan tehnpesen Siohwa mwohn samworo ko oh aramas ako koaros: 2 “Iet me Siohwa kaunen karis en sounpei, Koht en Israel ketin mahsanih, ‘I pahn kauwehla mehn wisik en nanmwarkien Papilon.+